Astanada kúdikti sómke kesirinen Mınıstrlikter úıi qorshaýǵa alyndy
ASTANA. QazAqparat - Polıtsııa qyzmetkerleri kúdikti qytaı sómkesiniń tabylýyna baılanysty Mınıstrlikter úıin qorshaýǵa aldy, dep habarlaıdy «QazAqparat» HAA tilshisi.
«Polıtsııa qyzmetkerleri qyzmet babynda júrip, ótpeli jolǵa jaqyn jaıaý júrginshiler jolynyń mańynda ıesiz sómkeni tapqan. Aldyn ala saqtaný sharalaryn tanyta otyryp, olar saǵat 09:40 shamasynda jedel áreket etý basqarmasynyń ortalyǵyna habar bergen. Sómkeni tekserý úshin oqıǵa ornyna birden mamandar joldanyp, tekserý kezinde atalmysh sómkeniń ishinen kúdikti eshteńe tabylmady», - dep habarlaıdy Astana qalasynyń ІІD baspasóz qyzmetinen.
Eske sala ketsek, buǵan deıin de 19 aqpan kúni polıtsııa qyzmetkerleri Qonaev pen Máńgilik el kósheleriniń qıylysyn qorshaýǵa alǵan bolatyn. Ol jerdegi kólik turaǵynan áıeldiń sómkesi tabylǵan edi. Keıin onyń tek qoqys toly sómke ekeni anyqtalǵan.
