Astanada kýbık qurastyrýdan halyqaralyq chempıonat ótedi
ASTANA.QazAqparat - Astana qalasynyń fızıka-matematıka baǵytyndaǵy Nazarbaev zııatkerlik mektebi 8 qazan kúni kýbık-rýbık qurastyrýdan halyqaralyq deńgeıdegi «Kazakhstan Open 2017» ashyq chempıonatyn ótkizedi, dep habarlaıdy QazAqparat.
Dúnıejúzilik Kýbık qaýymdastyǵynyń (WCA) málimetterine qaraǵanda, bul qazaqstanda WCA aıasynda ótetin alǵashqy ashyq chempıonat bolyp otyr. Baıraqty básekede álemniń 7 elinen kelgen 126 qatysýshy kýbık-rýbık qurastyrýdyń 5 túrinen baq synaıdy. Olardyń qatarynda álemdik dodada top jaryp júrgen 11 tájırbeli oıynshylar bar.
Aıta keteıik, bul básekeda álemdik dodalarda san márte top jarǵan otandasymyz Janaıdar Uzaqov el namysyn qorǵaıtyn bolady. Sondaı-aq, 115 qazaqstandyq kýbık-rýbık qurastyrýshylary álemdik deńgeıdegi básekege alǵash ret qatysýyǵa múmkindik alyp otyr.
