Astanada QTJ esepteý ortalyǵynda bolǵan órtten 9 adam qutqarylyp, 4 adam aýrýhanaǵa jetkizildi
ASTANA. 18 qańtar. QazAqparat - 17 qańtarda saǵat 21. 56 mınýt ketkende Jeńis dańǵylynda ornalasqan «Qazaqstan temir joly» ulttyq kompanııasyna tıesili 5 qabatty «Bas esepteý ortalyq» ǵımaratynda órt boldy.
Órt ǵımarattyń 1-shi qabatyndaǵy №118-shi (vagondyq dıspetcher bólmesinen) kabınetten shyqqan. QR TJM-niń baspasóz qyzmeti habarlaǵandaı, órt saǵat 23. 09 mınýtta sóndirildi.
Jalyndy aýyzdyqtaýǵa Astana TJD-nyń 66 adamnan turatyn jeke quramy men órt sóndirý qyzmetiniń 16 tehnıka birligi jumyldyryldy. 50 adam qaýipsiz aımaqqa kóshirilip, 9 adam qutqaryldy.
Órt saldarynan 4 adam gazdan ýlanyp, aýrýhanaǵa jetkizildi.
