Astanada kreşenıe rásimi qalaı ótip jatyr
ASTANA. KAZINFORM – Qańtardyń 18-inen 19-yna qaraǵan túni Astanada barlyq pravoslavıe shirkeýlerinde kreşenıe rásimi ótedi, dep habarlaıdy elorda ákimdiginiń resmı saıty.

Astanada rásim Ýspen soborynda (Kúıshi Dına kóshesi, 27), Konstantın-Elenın shirkeýinde (Respýblıka dańǵyly, 12), Sarov Serafım shirkeýinde (Bógenbaı batyr dańǵyly, 8) ótedi.
Rásim kezeńinde qaýipsiz shomylý úshin oıyqtar jabdyqtalǵan. Astanada sýǵa shomylý arnaıy belgilengen oryndarda ótedi.

Elordanyń júzdegen turǵyny men qonaqtary rásimge qatysý úshin qoǵamdyq shomylý oryndaryna jınaldy. Qoǵamdyq shomylýǵa arnalǵan oıyqtar Esil ózeniniń sol jaǵalaýynda, «Stolıchnyı» saıabaǵynyń jaǵalaýy aımaǵynda (ortalyq jaǵajaıdyń janynda) ornatylǵan.
Sýǵa shomylý oryndary 18 qańtar kúni saǵat 20:00-den 19 qańtar kúni saǵat 02:00-ge deıin jumys isteıdi. Jappaı shomylý 19 qańtarda saǵat 08:00-den 23:00-ge deıin jalǵasady.

Tótenshe jaǵdaılar departamentiniń qutqarý qyzmeti men Astana qalasy PD qyzmetkerleri dinı rásim kezinde turǵyndardyń qaýipsizdigin qamtamasyz etip jatyr. Sýǵa túsý oryndarynda jedel járdem brıgadalary kezekshilik etýde.
Shomylýǵa arnalǵan ár orynda tósenishter tóselip, muzdy sýǵa qaýipsiz túsýge arnalyp jabdyqtalǵan jáne kıinýge arnalǵan oryndar qarastyrylǵan.

Qajet bolǵan jaǵdaıda qutqarýshylar men dárigerler adamdardy jylytý pýnkterine ornalastyrýǵa jáne medıtsınalyq kómek kórsetýge daıyn.
