Astanada «Kreşenıe Gospodne» merekesindegi rásimge 9 myńǵa jýyq adam qatysty (FOTOREPORTAJ)
ASTANA. QazAqparat - Búgin pravoslav hrıstıandary «Kreşenıe Gospodne» merekesin atap ótýde. Quzyrly organdardyń málimeti boıynsha, 18 qańtardyń keshki saǵat 22:00 bastap, 19 qańtardyń tańǵy saǵat 10:00 deıin 7 myńǵa jýyq adam sýǵa tústi, dep jazady astana.kz.
Búgin saǵat 9:00-14.00 aralyǵynda bul kórsetkish 2 myńǵa artqan. Kelesi jappaı sýǵa túsý kezeńi saǵat 17:00 bastalady. Jyl saıyn atalǵan mereke kezinde Astana qalasy Tótenshe jaǵdaılar departamentiniń sýda qutqarý qyzmeti kúsheıtilgen rejimde jumys isteıdi. Qala ákimdigi bekitken sýǵa túsý aımaqtarynda Sýda qutqarý qyzmetiniń mamandary eki aýysymda kezekshilik etedi. Sonymen qatar, Apattar medıtsına ortalyǵynyń arnaıy kóligi men Densaýlyq saqtaý basqarmasynyń reanımatsııalyq kóligi de tartylady.
