Astanada kranmen qaqtyǵysyp qalǵan avtobýstyń 5 jolaýshysy jansaqtaý bólimine túsken
ASTANA. QazAqparat - Astanada júk kótergish «KamAZ» kóligimen qaqtyǵysyp qalǵan avtobýstyń 5 jolaýshysy jansaqtaý bóliminde jatyr, dep habarlaıdy «Respýblıkalyq jedel medıtsınalyq járdem ǵylymı ortalyǵy» aktsıonerlik qoǵamynyń baspasóz qyzmetinen.
«Búgin iri jol apatynda 15 adam jaraqat aldy. 13 adamdy jedel járdem qyzmeti alyp keldi, qalǵan ekeýi keıin ózderi habarlasqan. 5 patsıenttiń jaraqattary aýyr bolǵandyqtan, jansaqtaý bólimine jatqyzyldy. 3 adam jalpy palatada túrli jaraqattarmen emdelip jatyr, sondaı-aq 7 jastaǵy bir bala №2 qalalyq balalar aýrýhanasyna joldandy. Jansaqtaý bóliminde jatqandar negizinen bassúıek jáne mıdiń jabyq jaraqattaryn, sonymen qatar birneshe súıek synyqtaryn alǵan adamdar, halderi aýyr, degenmen densaýlyqtary turaqty qalypta saqtalyp otyr», - dep habarlady Respýblıkalyq jedel járdem qyzmeti.
Eske sala keteıik, atalmysh jol-kólik oqıǵasy búgin Astana-Qosshy tas jolynda tańerteńgi saǵat 8.17 shamasynda oryn aldy.
