Astanada QR Úkimetiniń janyndaǵy Úkimettik emes uıymdarmen ózara is-qımyl jónindegi úılestirý keńesiniń VІІІ otyrysy ótti
dep habarlaıdy QazAqparat.
Keńes jumysyna quramyna QR ortalyq atqarýshy organdardyń basshylary kiretin Úılestirý keńesiniń músheleri, aımaqtyq ákimdikter men úkimettik emes uıymdardyń ókilderi qatysty.
Kúntártibinde turǵan máselelerge sáıkes, onyń barysynda Qyzylorda, Pavlodar jáne Ońtústik Qazaqstan oblystarynyń ÚEU-men áreket etýiniń tájirıbesi tyńdalyp, «Memlekettik áleýmettik tapsyrys máseleleri boıynsha keıbir zańnamalyq aktilerge ózgerister men tolyqtyrýlar engizý týraly» daıyndalyp jatqan zań jobasy talqylandy.
Mınıstrdiń aıtýynsha, zańda jiberilgen kem-ketikterge qatysty jylda ÚEU tarapynan oryndy syndar kelip túsedi. Solardyń usynys-pikirleri negizinde bıyl zańnyń jobasy ázirlenýde.
Zań jobaǵa jumysyn toqtatqan ÚEU-dy ádilet organdarynyń tirkeýinen shyǵarý protsedýralaryn jeńildetý, ÚEU-ǵa esep tapsyrý mindetin júkteý jáne áleýmettik memlekettik tapsyrys baıqaýynyń ótkizilý merzimin uzartý syndy máselelerdi engizý qarastyrylýda.
Qatysýshylar sonymen qatar, qarashanyń 23-24-kúnderi ótetin ІV Azamattyq forýmyna daıyndyq máselelerin jiti talqylady.
M.Qul-Muhammed QR Úkimetiniń janyndaǵy Úkimettik emes uıymdarmen ózara is-qımyl jónindegi úılestirý keńesiniń VІІІ-shi forýmy respýblıkada jumys isteıtin ÚEU-lar úshin tájirıbe jáne pikir almasýǵa jaqsy alań ekendigin atap óte kele, qordalanǵan barlyq suraqtar boıynsha tuşymdy jaýaptar alýǵa múmkindik jasaý úshin, jıynǵa barlyq mınıstrlikter basshylarynyń birinshi orynbasarlary arnaıy qatysyp otyrǵandyǵyn jetkizdi.
