Astanada QR TJM V Qysqy spartakıadasy bastaldy
ASTANA. 21 aqpan. QazAqparat - 21 aqpanda Qazaqstan Respýblıkasy Tótenshe jaǵdaılar vıtse-mınıstri J.Smaıylovtyń qatysýymen V Qysqy spartakıadasy saltanatty túrde ashyldy.
Bul týraly Astana qalasy TJD baspasóz qyzmeti habarlady.
Jarys 21 jáne 22 aqpanda Astana qalasy TJD sport kesheninde ótedi. Spartakıadaǵa 18 komanda qatysady, bul 300-den astam qatysýshylar - aımaqtyq bólimshelerdiń qyzmetkerleri, QR TJM Kókshetaý tehnıkalyq ınstıtýty, «Órt sóndirýshi» AQ ókilderi.
V qysqy Spartakıada baǵdarlamasynda: shańǵy, ústelústi tennısi, shahmat, voleıbol, órt sóndirý-qutqarý sport túrleri bolady.
Spartakıadanyń basty maqsaty mınıstrlik qyzmetkerleriniń dene daıyndyq dárejelerin nyǵaıtyp, salaýatty ómir saltyn, jappaı sportty, kásibı sport túrin damytyp, respýblıkalyq jáne álemdik jarystarǵa eń úzdikterdi iriktep alý bolmaq.
