Astanada QR Tuńǵysh Prezıdenti kúnine oraılastyrylǵan merekelik is-sharalar ótedi
2015 jylǵy 25 qarashada saǵat 15:00-te Qazaqstan Respýblıkasy Tuńǵysh Prezıdentiniń mýzeıinde «Kóshbasshy bolý ýaqyt talaby» atty konferentsııa ótedi. Oǵan QR Parlamenti Májilisiniń depýtattary, ǵylymı jáne pedagogıkalyq qoǵamdastyqtyń, úkimettik emes uıymdar men bilim berý mekemeleriniń ókilderi jáne t.b. qatysady. Bul kúni № 40 orta mektepte «Prezıdent el tiregi» zııatkerlik týrnıri, al № 22 mektep-gımnazııasynda «Prezıdent turaqtylyq kepili» taqyrybynda dóńgelek ústel bolady.
27 qarashada Mýzeıde Qazaqstan Respýblıkasynyń Tuńǵysh Prezıdenti kúnine arnalǵan «Tarıhı tańdaý» ǵylymı-ekspozıtsııalyq jobasynyń logıkalyq jalǵasy bolyp tabylatyn «Tarıhı tańdaý. Órleý» atty taqyryptyq qor kórmesi ashylady. 28 qarashada Oqýshylar saraıynda kórkem gımnastıkadan «Astana-Báıterek» respýblıkalyq jarysy ótedi. Al 29 qarashada kishkentaı elordalyqtar IV «Astana-Araı» ashyq balalar mýzykalyq shyǵarmashylyq festıval-baıqaýynda ózara jarysqa túsedi. 30 qarashada №1 Óner mektebi kórkemóner bólimi oqýshylarynyń «Elbasyna tilek» atty sýret baıqaýyn uıymdastyrmaq. Elordalyq kitaphanalarda túrli merekelik is-sharalar, onyń ishinde, kitap kórmeleri ótedi. Jas qala turǵyndaryna óz merekelik baǵdarlamalaryn daıyndaǵan aýla klýbtary da budan qalys qalmaıdy.
29 qarashadan 1 jeltoqsanǵa deıin «Dáýlet» sport kesheninde áýesqoılar úshin tennısten Qazaqstan Respýblıkasy Chempıonatynyń ashyq týrnıri ótedi. Uıymdastyrýshylardyń aıtýynsha, árbir týrnır saıyn qatysýshylar sany men olardyń sheberligi artyp keledi. 30 qarashada Agrotehnıkalyq ýnıversıtette Astana qalasynyń Qazaqstan halqy Assambleıasy «Qazaqstan halqy Assambleıasynyń qyzmetin damytýdaǵy jastardyń áleýeti» taqyrybynda stýdenttik konferentsııa ótkizedi. Budan bólek, 30 qarasha men 7 jeltoqsan aralyǵynda ALJIR murajaıynda «Memleket basshysy - dana kóshbasshy» taqyrybynda kórme ótedi.
1 jeltoqsanda «Astana Opera» teatrynyń Kameralyq zalynda «Elim dep soqqan júregi» atty merekelik kontsert ótedi. Kesh baǵdarlamasynda qazaqstandyq, orys jáne batys eýropalyq kompozıtorlardyń vokaldyq jáne aspaptyq shyǵarmalary oryndalady.
Buryn habarlanǵandaı, 1 jeltoqsanda elimizdiń Jańa jyldyq bas shyrshasynyń shamdaryn jaǵý rásimi ótedi. Bıyl ol «Han Shatyr» SOO alańyna qoıyldy. Bul kúni sondaı-aq, qazaqstandyq estrada juldyzdarynyń qatysýymen «Qazaqstan» OKZ-de «Tulǵa. Elbasy. Tarıh» atty kontsert ótedi.
