Astanada QR Tuńǵysh Prezıdenti kúnine arnalǵan derekti kıno aptalyǵy ótedi

ASTANA. 25 qarasha. QazAqparat - 2013 jylǵy 26 qarasha - 1 jeltoqsan aralyǵynda Astanada Nazarbaev Ortalyǵynda Qazaqstan Respýblıkasynyń Tuńǵysh Prezıdenti kúnine arnalǵan «Tuńǵysh-Pervyı» derekti kıno aptalyǵy ótedi. Bul týraly astana.kz saıtyna ortalyqtyń aqparattyq-ımıdjilik jumys qyzmetinen habarlady.

Kıno aptalyǵy aıasynda 26 qarasha kúni saǵat 13.00-de Nazarbaev Ortalyǵynyń kórme zalynda «N. Nazarbaev. Ómirbaıan», QR Tuńǵysh Prezıdenti - Elbasynyń qyzmetin jan-jaqty beıneleıtin ınteraktıvti ekspozıtsııasynyń ashylý rásimi ótedi.

Apta boıy Elbasynyń ómirbaıany men qyzmetiniń san alýan qyryn beıneleıtin 8 derekti fılm kórsetiledi. Kıno aptalyǵynyń árbir kúni táýelsiz Qazaqstan tarıhynyń qıly kezeńi men memlekettiń damýyndaǵy N.Á.Nazarbaevtyń róline arnalady. Kún saıyn saǵat 14.00 men 17.00-de eki kınoseans kórsetiledi. Aýdıtorııanyń basym bóligin, 4 myńǵa jýyǵyn joǵarǵy oqý orny men kolledj stýdentteri, jalpy bilim beretin mektep oqýshylary quraıdy. Úzdik oqýshylarǵa uıymdastyrýshylar atynan estelik syılyqtar beriledi.

Josparlanǵan sharany ótkizetin kúnderi Elbasymyzben qyzmettes bolǵan belgili otandastarymyz, qoǵam jáne saıası qaıratkerler, nazarǵa usynylatyn derekti fılmniń avtorlary qatysatyn kezdesýler ótip, talqylanbaq.