Astanada QR Prezıdentiniń Kúzet qyzmeti bastyǵynyń júldesi úshin jaýyngerlik qarýdan atý boıynsha ashyq týrnır ótýde
ASTANA. 25 tamyz. QazAqparat /Gúlmıra Alıakparova/ - Búgin Astanada Qazaqstan Respýblıkasy Prezıdentiniń Kúzet qyzmeti bastyǵynyń júldesi úshin jaýyngerlik qarýdan atý boıynsha ashyq týrnır ótip jatyr.
«Maılan» dalalyq oqý ortalyǵynda ótip jatqan jarysta kúsh qurylymdary men memlekettik emes kúzet qyzmetteri ókilderi baq talastyrýda. Kúnniń birinshi jartysynda qatysýshylar jaýyngerlik sholaq qarýdan (pıstolet) nysanaǵa dáldeý boıynsha mergendikterin kórsetedi. Olar ártúrli kúrdeliliktegi úsh jattyǵýdy oryndaýy tıis. Kúnniń ekinshi jartysynda jarys «Kalashnıkov» avtomatynan atý boıynsha jalǵasyp, mergender sondaı-aq, túrli qıyndyqtaǵy úsh synaqtan ótetin bolady.
Jarys nátıjesi búgin keshke shyǵarylyp, jeńimpazdar marapattalmaq.
