Astanada QR Prezıdentiniń qatysýymen Konstıtýtsııanyń 20 jyldyǵyna arnalǵan kontsert ótti
Shara qonaqtarynyń arasynda Qazaqstan Respýblıkasy Konstıtýtsııasynyń 20 jyldyǵyna arnalǵan «Konstıtýtsııa: birlik, turaqtylyq, órkendeý» atty halyqaralyq ǵylymı-tájirıbelik konferentsııanyń qatysýshylary, sondaı-aq elimizdiń tanymal memleket jáne qoǵam qaıratkerleri bar. Al, Serbııa Respýblıkasynyń Prezıdenti Tomıslav Nıkolıch bul sharanyń arnaıy qonaǵy boldy.
Kontserttik baǵdarlama aıasynda «Astana Opera» teatrynyń hory, Qurmanǵazy atyndaǵy Qazaq memlekettik akademııalyq halyq aspaptary orkestri, «Slavıan bazary-2015» HІІІ halyqaralyq estradalyq án oryndaýshylar baıqaýynda bas júldeni ıelengen Dımash Qudaıbergen, «Astana Balet» memlekettik bı teatry, QR eńbek sińirgen ártisteri, halyqaralyq baıqaýlardyń laýreattary, sondaı-aq bı ansamblderi óner kórsetti.