Astanada QR Prezıdenti janyndaǵy Jastar saıasaty jónindegi keńestiń kezekti VI otyrysy ótti
ASTANA. Shildeniń 23-i. QazAqparat - Búgin Astanada ótken QR Prezıdenti janyndaǵy Jastar saıasaty jónindegi keńestiń kezekti VI otyrysynda, respýblıkada Bilim salasyn jetildirýdiń 2011-2020 jyldarǵa arnalǵan memlekettik baǵdarlamasy talqylandy.
QR Premer-Mınıstri Keńsesiniń basshysy, atalmysh Keńes tóraǵasy Ǵabıdolla Ábdiraqymovtyń tóraǵalyǵymen ótken májilis barysynda, qazirgi jastarda eldiń saıası, qoǵamdyq jáne mádenı ómirine aralasýǵa qulshynystary joqtyǵy basa aıtyldy. Jastar býynynyń deninde azamattyq pozıtsııalary tómen.
Aıta keteıik, QR Úkimetiniń basshysy Kárim Másimovtyń usynysymen Bilim salasyn jetildirýdiń 2011-2020 jyldarǵa arnalǵan memlekettik baǵdarlamasyna jastar saıasaty men tárbıe jumysy týraly qosymsha tarmaq engizilgen bolatyn.
Qazaqstanda búgingi kúni 4 mıllıonnan astam jastar turady, bul - respýblıka halqynyń 30 paıyzǵa jýyǵy. QR Bilim jáne ǵylym vıtse-mınıstri Serik Yrsalıevtiń aıtýynsha, qazirgi ýaqytta memlekettik bılik organdaryndaǵy jastardyń úlesi nebári 1 paıyzdy quraıdy, al jastar uıymdaryna tartylǵandardyń úlesi 22 paıyzdan asyp jyǵylady.
«Baǵdarlamada saıası sana-sezim men azamattyq jaýapkershilikti arttyrýǵa, belsendi pozıtsııalar men salaýatty ómir saltyn qalyptastyrýǵa baǵyttalǵan, jastarmen ózara áreket etýdiń tıimdi úlgisi ázirlengen», - dep atap ótti S.Yrsalıev.
Baǵdarlamany júzege asyrý nátıjesinde, 2020 jylǵa qaraı jastar birlestikteriniń qyzmetterine jumyldyrylǵan jastardyń sany 29 paıyzǵa, barlyq ókiletti organdardaǵy jastardyń úlesi 10 paıyzǵa, memlekettik-áleýmettik tapsyrys aıasynda áleýmettik mańyzy bar jobalardy júzege asyrýshylardyń úlesi 24 paıyzǵa jetkiziletin bolady dep kútilýde.
Іs-sharaǵa QR Prezıdenti janyndaǵy Jastar saıasaty jónindegi keńestiń músheleri, QR Prezıdenti Ákimshiligi men memlekettik organdardyń ókilderi qatysty.
