Astanada QR Prezıdenti janyndaǵy Adam quqyqtary jónindegi komıssııanyń kezekti otyrysy ótti
ASTANA. Aqpannyń 3-i. QazAqparat /Aıdar Ospanalıev/ - Búgin Astanada Qazaqstan Respýblıkasy Prezıdenti janyndaǵy Adam quqyqtary jónindegi komıssııanyń kezekti otyrysy ótti,
dep habarlaıdy QazAqparat.
Otyrysqa Úkimet ókilderi men Parlament depýtattary, zańger ǵalymdar men úkimettik emes jáne halyqaralyq uıymdardyń ókilderi qatysty. Komıssııa ókilderi kún tártibine saı basty eki máseleni qarady. Birinshi másele boıynsha, Іshki ister vıtse-mınıstri Amanjol Kúreńbekov mınıstrliktiń Jol polıtsııasy komıteti ókilderiniń azamattardyń qoldanystaǵy zańnamalar men adam quqyqtary salasyndaǵy halyqaralyq mindettemeleri negizinde quqyqtaryn qamtamasyz etý jumystaryna qatysty baıandama jasady.
Jıynǵa qatysýshylar ishki ister salasynyń atqarǵan jumystaryna baılanysty esebin tyńdaǵan komıssııa músheleri oǵan qatysty ózderin tolǵandyrǵan saýaldaryn joldap, osy saýaldar negizinde ózara pikir almasty. Olar azamattardyń quqyqtyq mádenıeti men júrgizýshiler mádenıetin kóterýge qatysty ózderiniń tyń usynys, pikirlderin bildirdi. Sonymen qatar, basqosýda polıtsııa qyzmetiniń ashyqtyǵyn qamtamasyz etý, jol polıtsııasy qyzmetkerlerine arnalǵan turaqty jumys isteıtin kýrstar uıymdastyrý máselesin kóterdi.
Kún tártibindegi ekinshi másele boıynsha, Qazaqstan Respýblıkasy Prezıdenti janyndaǵy Adam quqyqtary komıssııasynyń hatshysy Tastemir Ábishev pen Syrtqy ister mınıstrliginiń Erekshe tapsyrmalar jónindegi elshisi Mádına Jarbosynovanyń Qazaqstannyń Adam quqyqtary salasyndaǵy ulttyq josparynyń shet memleketterdegi tanystyrylymynyń nátıjelerine baılanysty esebin tyńdady.
