Astanada QR óńirleriniń aýyl sharýashylyq ónimderiniń qorytyndy jármeńkesi ótti
ASTANA. QazAqparat - Ústimizdegi jyly el táýlsizdiginiń 25 jyldyǵyna oraılastyrylǵan «Qýatty óńir - Qýatty Qazaqstan» aktsııasynyń uranymen mádenı kúnder sheńberinde elordada respýblıkanyń barlyq oblystarynyń qatysýymen aýyl sharýashylyq ónimderiniń dástúrli jármeńkeleri ótti, dep habarlady elorda ákimdiginiń baspasóz qyzmeti.
Óńirlik jármeńkelerde Qyzylorda, Almaty, Batys Qazaqstan, Atyraý, Jambyl, Pavlodar, Aqtóbe, Mańǵystaý, Ońtústik Qazaqstan, Qostanaı, Soltústik Qazaqstan, Aqmola oblystary taýar óndirýshileriniń ónimderi usynyldy.
Elorda ákimdiginiń aýyl sharýashylyq basqarmasynyń málimetterine sáıkes, 3 qyrqúıekten 31 qazanǵa deıingi kezeńde jalpy somasy 2 mlrd 722 mln teńge bolatyn 7 412 tonna aýyl sharýashylyq ónimderi satyldy jáne 50-den asa ónim túri usynyldy.
Jármeńke ótkizilgen núkteler elordanyń halyq kóp júretin oryndarynda belgilendi, Oqýshylar saraıynyń avtoturaq aımaqtarynda, «Han Shatyr» saýda ortalyǵynyń qasynda jáne qala ákimdiginiń aldyndaǵy alańda.
Elordanyń aýyl sharýashylyq basqarmasynyń habarlaýynsha, jármeńkelerde satylǵan aýyl sharýashylyǵy taýarlary naryqtaǵydan 10-15 % tómen baǵamen usynyldy. Taýar baǵalary naryqtaǵy jaǵdaımen salystyryla otyryp, tıisti óńir ókilderimen kelisilgen túrde belgilengenin aıta ketý kerek. Mysaly, sıyr eti kılogramy úshin 1000-1100 teńge aralyǵynda bolsa, qala boıynsha ortasha baǵa - 1200-1250 tg/kg, sút baǵasy bir lıtr úshin 170 teńge, qala boıynsha ortasha baǵasy 195-200 teńge. Taýyq jumyrtqasy on danasy úshin 200 teńge tursa, qala boıynsha 250-300 teńgeden satylady. Jemis-kókónis ónimderiniń baǵasy kılogramy úshin 50-60 teńge aralyǵynda boldy, al qala boıynsha ortasha baǵa 70-90 tg/kg quraıdy.
Aýyl sharýashylyǵy jármeńkelerimen qatar, 120-dan asa mádenı-kópshilik is-shara uıymdastyrylyp, 25 myńǵa jýyq astanalyqqa merekelik kóńil-kúı syılady. Elorda turǵyndary men qonaqtarynyń nazaryna spektaklder, kontsertter, sýretshilerdiń kórmeleri usynyldy.
Sonymen birge, óńir ákimderiniń zııaly qaýym ókilderimen kezdesýler, sporttyq jáne oıyn-saýyq sharalary ótkizildi.
30 qyrqúıekte Aqtóbe oblysy ókilderiniń qarttar jáne balalar úılerine arnap ótkizgen qaıyrymdylyq sharasy «Qýatty óńir - qýatty Qazaqstan» aktsııasynyń áleýmettik baǵytyn asha tústi.
Elimizdiń barlyq aımaqtarynyń aýyl sharýashylyq ónimderiniń qorytyndy jármeńkesi jáne ońtústik astananyń ókilderi uıymdastyrǵan mádenı baǵdarlama «Qýatty óńir - qýatty Qazaqstan» aktsııasyn qorytyndylaýshy kezeń boldy. Almaty qalasynyń mádenı kúnderi sheńberinde 46 qarasha aralyǵynda elorda turǵyndary men qonaqtary «Almaty - táýelsizdiktiń altyn besigi» mýltımedııalyq kórmesin tamashalady, onda elimizdiń eń iri megapolısiniń tarıhy murajaıynyń qorynan eksponattar usynyldy.
Barlyq sharalar ótken kezeńde elorda ákimdigi halyqty habardar etý baǵytynda aýqymdy aqparattyq naýqan júrgizdi.
Dástúrli aýyl sharýashylyq jármeńkeleri elordalyq tutynýshylar úshin de, agrarshylar, fermerler, shaǵyn jáne orta kásipkerlik ókilderi úshin tıimdi boldy. aýyl sharýashylyq ónimderine degen suranystyń oń qarqynyn eskere otyryp, elorda ákimdigi óńirlik aýyl sharýashylyq taýarlaryn óndirýshilerdiń qatysýymen osyndaı jármeńkelerdi turaqty negizde ótkizip turý týraly sheshim qabyldady.
