Astanada QR Mádenıet mınıstriniń qatysýymen eldegi tuńǵysh sporttyq arna ashyldy
Arna «Qazaqstan» respýblıkalyq teleradıo korporatsııasynyń quramynda Memleket basshysynyń tapsyrmasy boıynsha ashyldy.
«Elbasymyz táýelsizdiktiń barlyq jyldarynda otandyq sporttyń damýyna úlken qoldaý kórsetip keledi. Prezıdenttiń ózi ártúrli sport túrimen aınalysady: úlken tennıs, golf, júzý jáne taý shańǵysy sporty. Osylaısha ol barlyq qazaqstandyqtarǵa úlgi kórsetýde. Bizdiń sporttaǵy barlyq jetistikterimiz jáne otandyq sportshylardyń jeńisteri QR Prezıdentiniń qamqorlyǵy men qoldaýynyń nátıjesi bolyp tabylady», - dedi telearnanyń saltanatty ashylýynda sóz sóılegen QR Mádenıet jáne aqparat mınıstri Muhtar Qul-Muhammed.
«Jańa telearna salaýatty ómir saltynyń ǵana emes, otandyq sporttyń joǵary jetistikteriniń de nasıhattaýshysy bolatynyna senimdimin», - dep atap ótti ol.
