Astanada QR Konstıtýtsııasynyń 15 jyldyǵyna arnalǵan kórme ashyldy

Sońǵy 15 jyldyń ishinde elimizde memlekettilik pen ekonomıkamyzdyń berik irge tasy qalandy, jalpy qazaqstandyq tepe-teńdik qalyptastyrylyp ultaralyq kelisimmen, qoǵamdyq turaqtylyqty qalyptastyrýdyń ózindik modeli júzege asyryldy. Búginde elimiz jan-jaqty ári jedel jańarý men damý ústinde. Desek te biz aıta almaǵan jetistikter men ózgeristerdiń barlyq protsessteriniń negizi QR Konstıtýttsııasy bolyp tabylady, onda demokratııalyq qoǵam men quqyqtyq memleket qurýdyń baǵyttary bar.

Kórmede Memlekettik Egemendik týraly Deklaratsııa, Qazaqstan Memlekettiliginiń tarıhy, Konstıtýtsııa zańy, Memleketimizdiń nyshandary, atap aıtqanda Eltańba, Tý, Ánuran mátinimen qatar, basqa da kóptegen tarıhı qujattardy kórýge bolady. Sórede taqyrypqa sáıkes 450-ge jýyq kitap, fotosýretter men basqa da qujattar qoıylǵan. Mádenı shara «Prezıdent. Parlament. Úkimet», «Konstıtýtsııa - quqyqtar kepili», «Qazaqstan memlekettiliginiń tarıhy», «Qazaqstan - jasampaz jetistikter jolynda» sııaqty birneshe bólimderden turady.

Kórmege Ulttyq akademııalyq kitaphananyń Halyqaralyq mádenı baǵdarlamalar men kórme ortalyǵynyń meńgerýshisi Sara Álibaeva, sondaı-aq Respýblıkalyq Ulan áskerıleri jáne qala qonaqtary men turǵyndary qatysty.

Kórme bir aıǵa jalǵasady.