Astanada QR Konstıtýtsııasy kúni qarsańynda dúnıege kelgen sábılerdi quttyqtady

ASTANA. Tamyzdyń 27-si. QazAqparat - Elorda ákimdigi QR Konstıtýtsııasy kúni qarsańynda dúnıege kelgen jas nárestelerdi quttyqtady. Jeti jańa týǵan náresteni aýrýhanadan shyǵarý saltanatty rásimi búgin Astana qalasynyń perınataldyq ortalyǵynda oryn aldy.

Almaty aýdany ákiminiń orynbasary Túsip Rysbekov jańa týǵan nárestelerge myqty densaýlyq pen sáttilik tilep, ata-analaryna estelik syılyqtar tabys etti, al ádilet basqarmasynyń qyzmetkerleri týý týraly kýálikterdi tabystady.

Óz kezeginde, jańa týǵan nárestelerdiń ata-analary osy sharany uıymdastyrǵandarǵa shyn júrekten alǵys aıta kele, bul kúnniń olardyń esterinde uzaq jyldarǵa saqtalatynyn tilge tıek etti.