Astanada QR Qaýipsizdik Keńesi ınspektsııasynyń kezekti otyrysy ótti
ASTANA. Sáýirdiń 29-y. QazAqparat - Búgin QR Qaýipsizdik Keńesi hatshysynyń orynbasary-hatshylyq meńgerýshisi Qozy-Kórpesh Jańbyrshınniń tóraǵalyǵymen QR Qaýipsizdik Keńesi ınspektsııasynyń kezekti otyrysy boldy.
Otyrysta Memleket basshysynyń oq-dárilerdi saqtaý jáne kádege jaratý nysandaryndaǵy qaýipsizdikti qamtamasyz etý jónindegi tapsyrmalarynyń oryndalý barysy jáne áskerı qyzmetshilerdi turǵyn úımen qamtamasyz etýde zańnamalardy saqtaý týraly eki másele qaraldy.
Kún tártibindegi alǵashqy másele boıynsha Tótenshe jaǵdaılar vıtse-mınıstri Valerıı Petrov pen bas áskerı prokýror Erǵalı Myrzadınovtiń habarlamalary tyńdaldy. Memleket basshysynyń qarý-jaraqtardy saqtaý jáne kádege jaratýdy qamtamasyz etýge qatysty tapsyrmalaryn júzege asyrýda memlekettik organdar qabyldaǵan sharalarǵa baǵa berildi.
Ekinshi máseleni talqylaý aýqymynda Erǵalı Myrzadınov Qaýipsizdik keńesi ınspektsııasynyń múshelerine áskerı qurylymdarda turǵyn úı zańnamalary talaptarynyń oryndalýy týraly baıandady. Talqylaý nátıjeleri boıynsha ortalyq áskerı organdardyń jáne garnızondardyń ortalyq apparattaryna turǵyn úı kezegin qalyptastyrýda jáne ony bólýde zańdylyqtyń saqtalýyna tekserý júrgizý úshin Qaýipsizdik Keńesi ınspektsııasynyń arnaıy komıssııasyn qurý týraly sheshim qabyldandy.
Otyrystyń qorytyndysymen múddeli memlekettik organdarǵa tıisti tapsyrmalar berildi.
