Astanada QR Іshki áskerleriniń qurylǵan kúnine oraı gala-kontsert ótedi
ASTANA. 10 qańtar. QazAqparat - Búgin Astanada Beıbitshilik jáne kelisim saraıynda QR Іshki áskerleriniń qurylǵan kúnine oraı QR ІІM Іshki áskerleriniń Ortalyq orkestri men Án-bı ansambliniń gala-kontserti ótedi.
Gala-kontserttiń baǵdarlamasynda áskerı ándermen qatar estrada, halyq ánderi, álem halyqtarynyń án-bıleri oryndalady. Sonymen birge aıtýly kúnniń qurmetine arnap Qazaqstan estradasynyń juldyzy Marjan Arapbaeva men halyqaralyq konkýrstardyń laýreaty, professor Bekbolat Baısaǵatov óz ónerlerin pash etpek. Al Beıbitshilik jáne kelisim saraıynyń foıesinde Іshki áskerlerdiń jaýyngerlik qyzmeti týraly fotokórme uıymdastyrylady.
«Kontserttiń maqsaty - jastardy Otanǵa degen súıispenshilik pen ultjandylyqqa tárbıeleý, áskerı ómirdiń úzdik dástúri men urpaqtar sabaqtastyǵyn dáripteý bolyp otyr», - delingen vedomstvonyń baspasóz qyzmeti taratqan habarlamada.
