Astanada QR Іshki áskeriniń 21 jyldyǵyna oraı ofıtserler men kelisimshart boıynsha qyzmetshiler nagradtaldy
ASTANA. 10 qańtar. QazAqparat - Bıyl QR Іshki áskeriniń qurylǵanyna 21 jyl toldy.
Elbasy - Qarýly Kúshterdiń Joǵarǵy Bas Qolbasshysy Nursultan Nazarbaev memleketimiz ben qoǵamymyz úshin Іshki áskerlerdiń mańyzdylyǵyn eskerip, 1992 jyldyń 10 qańtarynda onyń qurylýy týraly Jarlyqqa qol qoıǵan bolatyn. Sol kezden bastap Іshki áskerler jaýyngerleri ózderine júktelgen mindetterdi abyroımen atqaryp keledi.
QR ІІM Іshki áskerler baspasóz qyzmetinen málim etkendeı, ataýly dataǵa oraı birqatar is-sharalar ótkizý josparlanyp otyr. Atap aıtqanda, búgin Іshki áskerler komıtetinde Qazaqstan Respýblıkasy ІІM Іshki áskerleriniń qurylǵanyna 21 jyl tolýyna oraı saltanatty jıyn ótti. Sharanyń resmı bóliginde aǵa býyn dástúrin jalǵastyrýshy - qyzmettik mindetterin adal oryndap júrgen birqatar ofıtserler men kelisimshart boıynsha áskerı qyzmetshilerge QR Іshki ister mınıstriniń jáne Іshki áskerler qolbasshysynyń buıryǵymen nagradalar tapsyryldy. Saltanatty shara barysynda «Tynyshtyq pen tártip kúzetinde» atty jańa derekti fılmniń tusaýkeseri ótti.
Al 12 qańtar kúni Іshki áskerdiń Elorda garnızonyna qarasty 5570, 6636 jáne 3660 áskerı bólimderiniń jas sarbazdary saltanatty túrde áskerı ant qabyldaıdy. Іshki áskerge byltyrǵy kúzde shaqyrylǵan jáne jas sarbaz kýrsynan ótken bes júzge jýyq jaýynger Otanǵa jáne halyqqa árqashan adal bolýǵa ant etip, Іshki áskerdiń tolyqqandy jaýyngeri atanady. Negizgi shara sońynda jas sarbazdar saltanatty sherýmen júrip ótedi.
Osy kúni Kongress-holl saraıynda dástúrge aınalǵan Qazaqstan Respýblıkasy ІІM Іshki áskerleriniń Ortalyq orkestri men Án-bı ansambliniń besinshi gala-kontserti ótedi.
Sondaı-aq Kongress-Holl saraıynyń foıesinde Іshki áskerdiń qyzmettik-jaýyngerlik is-áreketi týraly fotokórme kópshilik nazaryna usynylady.
