Astanada QR ІІM Іshki áskerleriniń Ortalyq orkestriniń gala-kontserti ótti
ANA. 11 qańtar. QazAqparat /Jasulan Amanbaıuly/ - Keshe keshke Astanadaǵy Beıbitshilik jáne kelisim saraıynda QR Іshki áskerleriniń qurylǵan kúnine oraı QR ІІM Іshki áskerleriniń Ortalyq orkestri men Án-bı ansambliniń gala-kontserti ótti.
Bul jyl saıyn ótkiziletin dástúrli sharaǵa aınaldy. «Osynaý kontsertti biz Beıbitshilik jáne kelisim saraıynda úshinshi jyl qatarynan ótkizip kelemiz. Bul vedomstvonyń dástúrli túrde jalǵasyp kele jatqan ıgi sharalarynyń biri bolyp ketti»,-deıdi QR ІІM Іshki áskerleriniń Til saıasaty jáne aqparat bóliminiń bastyǵy, baspasóz qyzmetiniń jetekshisi Qýanysh Qojahmetov.
«Kontserttiń maqsaty - jastardy Otanǵa degen súıispenshilik pen ultjandylyqqa tárbıeleý, áskerı ómirdiń úzdik dástúri men urpaqtar sabaqtastyǵyn dáripteý bolyp otyr»,-dep atap kórsetti ol.
Kontsertke Astana qalasynyń áskerı qurylymdarynyń qyzmetkerleri, aımaqtardan úzdik artıllerııa, rota, vzvod komandırleri men olardyń tárbıe jónindegi orynbasarlary, sonymen qatar jaqynda ǵana Otan aldynda ant qabyldaǵan elorda garnızondarynyń sarbazdary shaqyryldy.
Gala-kontsertti ádettegideı birinshi bolyp dırıjer Ashat Muhamedııarovtyń basqarýymen óner kórsetetin QR ІІM Іshki áskerleriniń Ortalyq orkestri ashty. Shara kezinde dástúrli áskerı ánder shyrqaldy. Sonymen qatar halyqaralyq konkýrs laýreattarynyń qatysýymen estrada, halyq ánderi, álem halyqtarynyń án-bıleri oryndaldy.
