Astanada QR Fılologtarynyń I sezi ashyldy
ASTANA. 16 mamyr. QazAqparat - Búgin Astanadaǵy Qazaq ulttyq óner ýnıversıtetinde Qazaqstan Respýblıkasy fılologtarynyń I sezi óz jumysyn bastady.
Sezdiń birinshi kúni «Tilderdiń úshtuǵyrlyǵy. Memlekettik tildiń qazaqstandyq jastardy toptastyrýdaǵy róli jáne ony úıretýdegi jańa ádister» taqyrybyndaǵy sektsııadan bastaldy. Jalpy, ekikúndik forým barysynda mektep oqýshylaryn oqytýdyń jańa tehnologııalaryn engizý, til men ádebıettiń jańa ádistemesin ázirleý, bilim berýdiń elektrondy júıesin jetildirý, tehnıkalyq-kásiptik pedagogtardy daıarlaý, fılologtardyń kásibı daıyndyǵyn shyńdaý jáne taǵy basqa ózekti máseleler talqylanady. Ol úshin Astanaǵa Qazaqstannyń túkpir-túkpirinen 550-den astam ǵalym-pedagogtar, sarapshylar men fılolog mamandar keldi. Olardyń ishinde sheteldik qonaqtar da bar.
Erteń, 17 mamyrda QR Fılologtarynyń I sezi Lev Gýmılev atyndaǵy Eýrazııa ulttyq ýnıversıtetinde jalǵasady.
