Astanada QR BǴM bastamasymen qurylǵan jurtshylyqpen baılanys jónindegi keńestiń alǵashqy otyrysy ótedi
ASTANA. 23 tamyz. QazAqparat - Astanada 24 tamyzda QR Bilim jáne ǵylym mınıstri Baqytjan Jumaǵulovtyń tóraǵalyǵymen mınıstrliktiń bastamasymen qurylǵan bilim salasyndaǵy jurtshylyqpen baılanys jónindegi Keńestiń alǵashqy otyrysy ótedi.
Bul týraly QR Bilim jáne ǵylym mınıstrliginiń baspasóz qyzmeti habarlady.
Qazaqstanda alǵash ret bilim berý salasyndaǵy jurtshylyqpen baılanys keńesi qurylyp otyr. Ol Qazaqstan Respýblıkasynyń Bilim jáne ǵylym mınıstrligi janyndaǵy turaqty túrde áreket etetin konsýltatıvtik-keńes berý organy bolyp tabylady.
Bilim berý salasyndaǵy jurtshylyqpen baılanys keńesi bilim salasyndaǵy qoǵamdyq baqylaýdy qamtamasyz etý maqsatynda quryldy. Qoǵamdyq Keńes quramyna QR Bilim jáne ǵylym mınıstrliginiń jaýapty qyzmetkerleri, QR Parlament depýtattary, QR Prezıdenti Ákimshiliginiń, úkimettik emes uıymdardyń (ÚEU) ókilderi, tanymal jýrnalıster men buqaralyq aqparat quraldarynyń (BAQ), bilim berý uıymdarynyń, kásipodaq uıymdarynyń, qoǵamdyq qozǵalystardyń, ata-analar qoǵamdastyǵynyń basshylary kirdi.
