Astanada QR Áskerı basqarý jáne qylmystyq qýdalaý organdary úılestirý keńesiniń kezekti otyrysy ótti

dep habarlaıdy QazAqparat QR Bas prokýratýrasyna silteme jasap.

 Otyrys barysynda quqyq buzýshylyqtyń aldyn alý boıynsha áskerı vedomstvolardyń atqarǵan jumystary jáne «Nashaqorlyqqa áskerde oryn joq» respýblıkalyq aktsııanyń birinshi kezeńiniń nátıjeleri boıynsha iske asqan sharalar qaraldy.

Úılestirý Keńesi Qarýly Kúshterdegi zańdylyq pen quqyqtyq tártiptiń ońtaıly baǵytta nyǵaıyp kele jatqandyǵyn, áskerı ortada quqyqbuzýshylyq áreketter men nashaqorlyqtyń aldyn alý boıynsha atqarylyp jatqan vedomstvoaralyq is-sharalardyń tıimdiligin atap ótti. Sondaı-aq áskerı basqarý jáne qylmystyq qýdalaý organdarynyń áreketterin birizdendirý nátıjesinde, áskerı qyzmetshilermen jasalǵan tártiptik buzýshylyqtardyń, sondaı-aq jarǵydan tys áreketterge baılanysty áskerı qylmystardyń sany azaıtylǵandyǵy tilge tıek etildi.

Otyrys nátıjesinde, Áskerı basqarý jáne qylmystyq qýdalaý organdary úılestirý keńesiniń 2010 jylǵy jumysy «Quqyqtyq memleketke - quqyqtyq ásker» urany aıasynda atqarylatyndyǵy sheshildi. Olardyń ishinde 2010-2012 jyldar ishinde Qazaqstan Respýblıkasy Qarýly Kúshterinde, basqa da áskerler men áskerı qurylymdarda quqyqbuzýshylyqtardyń aldyn alýdyń Vedomstvoaralyq baǵdarlamasyn pysyqtaý jáne qabyldaý bar.

Aıta keteıik, ústimizdegi jyly atalmysh Úılestirý keńestiń bastamasymen «Nashaqorlyqqa áskerde oryn joq» aktsııasynyń birinshi kezeńi, «Qaýipsiz áskerı qalashyq», «Jarǵydan tys qarym-qatynysqa jol joq» baıqaýlary, jas áskerılermen taqyryptyq kezdesýler jáne sporttyq saıystar, áskerı-patrıottyq taqyrypqa arnalǵan balalardyń úzdik sýretteriniń kórmeleri, sondaı-aq patrıottyq klýbtardyń jıyndary men «Otan qorǵaýshysy - 2009» ulttyq jastar festıvali uıymdastyryldy.