Astanada QR Antıterror ortalyǵynyń kezekti otyrysy ótti - QR UQK

ASTANA. QazAqparat - 23 maýsym kúni Astanada Ulttyq qaýipsizdik komıtetiniń Tóraǵasy general-leıtenant Vladımır Jumaqanov Qazaqstan Respýblıkasy Antıterror ortalyǵynyń kezekti 16-otyrysyn ótkizdi, dep habarlady QR UQK baspasóz qyzmetinen.

«ATO otyrysynda 2013-2017 jyldarǵa arnalǵan dinı ekstremızm men terrorızmge qarsy is-qımyl jónindegi memlekettik baǵdarlamanyń júzege asý barysy jáne 2016 jylǵy 10 maýsymdaǵy Qaýipsizdik Keńesi otyrysynda Elbasy N.Á. Nazarbaevtyń bergen tapsyrmalarynyń tájirıbede iske asyrylýy boıynsha is-sharalar qarastyryldy», - delingen habarlamada. 

Halyqaralyq terrorızmmen kúres boıynsha ǵalamdyq jeli qurý týraly Memleket basshysynyń syrtqy saıası bastamalaryn odan ári ilgeri jyljytý boıynsha naqty qadamdar belgilendi.
QR ATO otyrysy qorytyndysy boıynsha tıisti hattamalyq sheshimder qabyldandy.