Astanada qoımadaǵy iri órt sóndirildi (FOTO)
ASTANA. QazAqparat - Astanada rezına-tehnıkalyq, qaǵaz jáne maı ónimderi qoımasyndaǵy iri órt sóndirildi.
«24 jeltoqsanda Astanada bolǵan rezına-tehnıkalyq, qaǵaz jáne maı ónimderi qoımasyndaǵy kúrdeli órtti sóndirýge 26 birlik tehnıka, 100-ge jýyq adam jumyldyryldy. Tilsiz jaýmen 7 saǵatqa sozylǵan aıqas 25 jeltoqsanda saǵat 00:43-te sóndirildi», - dep habarlady QR ІІM Tótenshe jaǵdaılar komıtetiniń resmı ókili Rýslan Imanqulov.
Eske sala keteıik, oqıǵa ornynda jedel shtab quryldy. Órt 3 myń sharshy metr aýmaqty qamtydy. Jalynnyń qatar turǵan konteınerge ulasýyna jol berilmedi.
Qurban bolǵandar men zardap shekkender joq. Órttiń shyǵý sebepteri anyqtalatyn bolady.
Budan buryn habarlanǵanyndaı, 24 jeltoqsanda saǵat 18::00-de órtke qarsy kúres baılanysy ortalyq pýnktine Astana qalasy, Beısekbaev kóshesinde ornalasqan qoıma ǵımaratynda órt shyqqany týraly habar kelip tústi.
Bul habarlama boıynsha 18:01-de quramynda 3 avtotsısterna, 1 birlik ASA-20 (apattyq-qutqarý avtomobıli) jáne jeke quramnyń 16 adamy bar taıaý mańdaǵy №1 órt sóndirý bóliminiń ókilderi jóneltildi.
18:05-te shaqyrylǵan jenrge kelip jetken órt sóndirýshiler ǵımaratta avtomaılar, qaǵazdar, rezına-tehnıkalyq buıymdar jáne basqa da sharýashylyq ónimderi órtenip, qoıý tútin basqanyn jáne sharýashylyq-hımııalyq ónimderdiń lapyldap jarylyp jatqany anyqtaldy.
20.43-te órttiń aýyzdyqtalýy qamtamasyz etildi.
