Astanada qosymsha qutqarýshylar jasaǵy quryldy
ASTANA. QazAqparat - Sýǵa shomylý maýsymy kezeńinde Astana qalasy Tótenshe jaǵdaılar departamenti qala ákimdiginiń Jumyspen qamtý ortalyǵymen birlesip, qutqarýshylar jasaǵyn qurdy, dep habarlaıdy Astana qalasy ákimdiginiń resmı saıty.
Olar 26 maýsymnan bastap kún saıyn shomylý kezeńi aıaqtalǵanǵa deıin Esil ózeni arnasy boıynda reıdter júrgizedi. Qazirgi ýaqytta bul jasaq quramy 4 adamnan turady.
Osy jyldyń maýsym aıynda Astana qalasynyń sýda qutqarý stantsııasynyń bazasynda TJ joıý bóliminiń qyzmetkerleri jáne OÓAJQJ qutqarýshylary qalamyzdyń qutqarýshylar jasaqtary beketterine nusqaýlyq júrgizdi. Nusqaýlyq barysynda patrýldeý ýchaskeleri anyqtalyp, sondaı-aq sýda júzý qaǵıdalary men alǵashqy medıtsınalyq kómek kórsetý tásilderi túsindirildi.
Sýǵa shomylý maýsymy bastaldy, sondyqtan da arnaıy jabdyqtalǵan oryndarda shomylǵan durys, atap aıtsaq jaǵajaılarda, basseınderde jáne qutqarýshylarmen kúzetiletin oryndarda. Shomylý úshin ruqsat etiletin sýdyń temperatýrasynyń tómengi shegi +18°S, deni saý shynyqqan adamdarǵa aýa temperatýrsy + 22°S. Sonymen qatar sýdaǵy qaýipsizdik qaǵıdalaryn qatań saqtaý kerek.
Qutqarýshy jasaǵynyń beketteri - sý aıdyndarynyń janynda ornalasady, olar demalýshylarǵa qaýipsizdik qaǵıdalary týraly túsindirip, sý aıdyndaryn aralap, sýda jazataıym oqıǵalardy boldyrmaý úshin basqa da profılaktıkalyq is-sharalardy júzege asyratyn bolady. Jasaqshylar taný jıletterimen, beıdjıktermen jáne radıostantsııalarmen jabdyqtalǵan jáne qutqarýshylar men polıtsııa qyzmetkerlerine shuǵyl aqparatty jetkizetin bolady.
