Astanada qosymsha bilim beretin úzdik uıymdar anyqtaldy
ASTANA. QazAqparat - Baǵdarlamanyń negizgi maqsaty - Qazaqstannyń barlyq aımaqtarynda qosymsha bilim berý uıymdaryna qoǵam nazaryn aýdartý, dep habarlaıdy elorda ákimdiginiń resmı saıty.
2018 jyly Elbasy kitaphanasy balalar shyǵarmashylyǵy men qosymsha bilim berý uıymdaryn qoldaýǵa baǵyttalǵan «Týǵan ólkem» atty respýblıkalyq baǵdarlamany iske asyrýdy bastady. Memleket basshysynyń «Rýhanı jańǵyrý» baǵdarlamalyq maqalasynyń jalǵasy ispetti boldy. Alǵashqy jyly Elbasy kitaphanasynyń qabyrǵasynda Semeı, Pavlodar, Shymkent, Ekibastuz balalar kórkemsýret mektebi túlekteriniń dıplomdyq jumystarynyń kórmesi uıymdastyryldy.
Astananyń 20 jyldyǵy atalyp ótilgen jyly «Týǵan ólkem» baǵdarlamasynyń aıasyndaǵy barlyq kórmeler elordanyń mereıtoıyna arnaldy.
«Balalyq shaqtan kózqaras» jobasy men «Týǵan ólkem» baǵdarlamasy iske asyryla bastaǵan alǵashqy jyly tabysty ótkenin seziný bir baqyt. Qurmetti seriktester, jemisti yntymaqtastyǵyńyz, sizderdiń pedagogterińiz ben oqýshylaryńyzdyń eńbegi úshin alǵysymdy bildiremin. Kelesi jyly bizdi jańa kezdesýler men jańa kórmeler kútip tur», - dedi QR Tuńǵysh Prezıdenti kitaphanasy dırektorynyń birinshi orynbasary Amerhan Rahımjanov.
Semeı balalar óner mektebi, Pavlodardaǵy № 1 «ıÝNESKO klýby» balalar kórkemsýret mektebi men Ekibastuzdaǵy «ıÝNESKO klýby» balalar kórkemsýret mektebi respýblıkalyq «Týǵan ólkem» baǵdarlamasynyń laýreattary atandy.
