Astanada Qostanaı oblysynyń mádenıet kúnderi aıasynda A. Baıtursynovtyń mahabbaty jaıly spektakl qoıylady
ASTANA. 17 qazan. QazAqparat - 20 qazanda jańa Oqýshylar saraıynyń sahnasynda Qostanaı oblysynyń elordadaǵy mádenıet kúnderi aıasynda «Aq kelinniń mahabbaty men qazasy» spektakli qoıylady. Bul týraly astana.kz saıtyna M.Gorkıı atyndaǵy memlekettik akademııalyq orys drama teatrynyń ádebı-dramalyq bóliminen habarlady.
Qostanaı oblysy orys drama teatrynyń spektakli shynaıy oqıǵaǵa negizdelgen. Onda Badrısafa (Aleksandra Ivanovna) men onyń kúıeýi Ahmet Baıtursynovtyń mahabbaty týraly aıtylady. Qazaqstanda HH ǵasyrdyń 20-30 jyldary oryn alǵan qaıǵyly oqıǵalar oryn alǵanda oıanǵan mahabbat ǵashyq júrekterdiń qarym-qatynasyn ashyq jetkizedi.
Spektakl kóp adamnyń qajyrly eńbeginiń jemisi bolyp tabylady, osy maqsatta muraǵattar tekserilip, tarıhı ekspedıtsııalar uıymdastyryldy, qujattaǵy aqparattar, kýágerlerdiń sózderi jınaldy. A.Baıtursynovtyń orys jubaıynyń taǵdyry týraly qoıylymǵa ǵalym Zulqarnaı Aldamjar men kásipker Almat Tursynov yqpal etti. Teatrlandyrylǵan qoıylymǵa materıaldar ázirleýge jýrnalıst Nazıra Jarymbetova, ólketanýshy, Baıtursynovtar áýletiniń tarıhynyń avtory Ibragım Aǵytaı kóp úles qosty. Spektakldiń avtorlary - Lıýdmıla Fefelova men Qabylhat Seıdahmet. Al «Aq kelinniń mahabbaty men qazasy» spektaklin qoıý ıdeıasynyń avtory - pedagog, belsendi qoǵam qaıratkeri, «Nur Otan» HDP Qostanaı oblysy fılıalynyń jetekshisi Rımma Bekturǵanova.
Spektakl orys jáne qazaq tilinde qoıylady (orys drama teatry qurylǵan 90 jylda bul eki tilde qoıylatyn tuńǵysh qoıylym). Bul spektakldi kópshilik úshin túsinikti ári jaqyn etedi. Sonymen qatar, qoıylym barysynda derekti kınohronıka da kórsetiledi. Ahmet Baıtursynovtyń rólin somdaǵan Qudaıbergen Aıdosov óziniń keıipkerin asqan sheberlikpen oınap shyqty. Badrısafa (Aleksandra) Baıtursynovanyń rólin eki aktrısa irikteldi. ıÝlııa Kýdrıashova ǵashyq, ári súıgen jarymen qosylýǵa daıyn qyz - jas Sashany oınasa, Tatıana Zavodovskaıa basynan kóp qıyndyqty ótkerse de, mahabbatyna adal bolǵan kemel jastaǵy áıeldi somdaıdy.
Eske salaıyq, spektakl 20 qazanda saǵat 18.00 Qostanaı oblysynyń mádenıet kúnderi aıasynda Oqýshylar saraıynda ótedi.
