Astanada Qostanaı oblysynyń aýylsharýashylyq jármeńkesi ótedi
ASTANA. QazAqparat - 1-2 qyrkúıekte elordanyń 20 jyldyǵyn merekeleý sheńberinde Respýblıka aımaqtarynyń qatysýymen aýyl sharýashylyǵy jármeńkesin ótkizý týraly is-sharalar jospary boıynsha Qostanaı oblysynyń aýylsharýashylyq kásiporyndarynyń qatysýymen jármeńke ótedi, dep habarlaıdy Astana qalasy ákimdiginiń resmı saıty.
2 kún ishinde oblystyń 14 aýdany men 3 qalasynyń 60-tan astam kásiporyny aýyl sharýashylyǵy ónimderin satady. Jármeńkede 380 tonna kóleminde 100-den astam ónim satylady: mal etiniń barlyq túrleri - 50 tonna, sút ónimderi - 35 tonna, shujyq ónimderi jáne jartylaı daıyndalǵan ónimder - 20 tonna, jarma jáne makaron ónimderi - 30 tonna, qartop jáne kókónister - 60 tonna, nan jáne kondıter ónimderi - 20 tonna, jumyrtqa - 20 tonna, un - 50 tonna, jáne taǵy basqa.
Barlyq ónim Astana qalasy saýda oryndaryndaǵy baǵalardan tómen satylady. Jármeńkeni ótkizý orny «Qazaqstan» sportkesheni (Munaıtpasov kósh., 9) alańy.
