Elordada Kosmonavtar kóshesiniń bir bóligi eki kúnge jabylady
ASTANA. KAZINFORM — Astanada Kosmonavtar kóshesinde kólik qozǵalysy ýaqytsha toqtaıdy, dep habarlaıdy qala ákimdiginiń baspasóz qyzmeti.
— Qala turǵyndary men qonaqtaryna Qosmonavtar kóshesinde, Alpamys batyr kóshesinen Qabanbaı batyr dańǵylyna deıingi aralyqta jol tósemin jóndeý jumystary júrgiziletinin habarlaımyz. Osyǵan baılanysty bıylǵy jyldyń 26 jáne 27 qyrkúıek aralyǵynda atalǵan ýchaskede kólik qozǵalysy tolyǵymen jabylady. Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen habarlamada.
Buǵan deıin Astanada Aqmeshit pen Almaty kósheleriniń qıylysy jabylatynyn jazǵanbyz.
