Astanada «Kóshpeli fotograftyń jylnamalary» kórmesi ótýde

Elordalyq kópshilikke arnaıy daıyndalǵan biregeı ekspozıtsııa avtordyń ótkinshi kózqarasyn ańǵartady, dep habarlady Astana qalasynyń resmı saıty.

J. Amanqulov fotoóner stıli men basqa janrlarǵa qatar qalam tarta otyryp, alǵashqy qadamyn fotojýrnalıstıkadan bastady. Estetıkasyn qalyptastyrý kezeńinde uzaq ýaqyt Erevan men Parıjde turdy. Sonda alǵan tájirıbeleri ortaazııalyq fotosýretshiniń shyǵarmashylyǵyn jańa baǵytta órbitýge múmkindik týǵyzdy.

Fotograftyń obektıvine óziniń bolǵan jerlerindegi qasqaǵym sáttik ahýaldy beıneleıtin mańyzdy tarıhı qubylystar men janrlyq kartınalar iligedi. Sonymen qatar ol tanymal portretshi de. Elordalyq kópshilik J.Amanqulovty Jeńis kúnine arnalǵan fotojobanyń teń avtory retinde biledi. Onyń Uly Otan soǵysynyń qatysýshylaryn salǵan portretteri qala kóshelerine ornalastyryldy.

«Kóshpeli fotograftyń jylnamalary» ekspozıtsııasy Ad oculos, Ad memorandum jáne Ad se ipsum bólimderinen turady.

Ad oculos latynshadan aýdarǵanda «kórnekti», «kózben kórý» maǵynasyndaǵy úsh bólimnen turady. Munda avtordyń túrli elderge sapar shegýi kezinde túsirgen sýretteri engen. Ejelgi Eýropanyń aýqymdy ómiri Qazaqstandaǵy keremet ózgeristermen salystyrylyp, tutastaı alǵanda, Azııamen qatar qoıylady.

Ad memorandum (este saqtaý úshin) - portrettik serııa. Dańqty adamdar men oıshyldar, álemdik jáne otandyq mádenıetke úles qosqan jandar týraly. Amanqulovtyń sýretteri - bul tek túrli elderdiń qoǵam jáne mádenıet qaıratkerleriniń resmı beıneleri emes. Onda keıipkerdiń foto avtorymen syr-suhbaty aıqyn ańǵarylyp turady.

Ad se ipsum (ózińe qaraı). Bizdińshe, Janarbek Amanqulov týǵyzǵan eń tujyrymdy serııa. Onyń ortasynda jannyń pana tabar nyshany ispetti - kıiz úı tur. Kıiz úısiz kóshpeliler ómirin elestetý múmkin emes. Alaıda, barlyq qatal tirliktiń qıyndyqtary onyń ańyzdy beınesinde múlde umytylatyndaı.