Astanada kóshi-qon zańnamasyn buzǵan 33 sheteldik eline qaıtaryldy
ASTANA. QazAqparat - Astana polıtsııasy «Mıgrant» jedel aldyn alý is sharasyn ótkizdi, dep habarlaıdy QazAqparat vedomstvonyń baspasóz qyzmetine silteme jasap.
Іs-sharanyń maqsaty - kóshi-qon zańnamasyn buzý faktilerin anyqtap, jolyn kesý, zańsyz kóshi-qonǵa tosqaýyl qoıý, sondaı-aq sheteldik azamattar men azamattyǵy joq tulǵalardyń tarapynan jasalatyn qylmystardy boldyrmaý.
Polıtseıler úsh kúnniń ishinde kóshi-qon zańnamasyn buzý boıynsha 457 faktini anyqtady. Sheteldik azamattardyń QR aýmaǵynda júrip-turý qaǵıdasyn buzý faktisi boıynsha sheteldik azamattarǵa 377 ákimshilik hattama toltyrylǵan. Kóshi-qon salasyndaǵy zańnamany buzǵany úshin sheteldik azamattar men azamattyǵy joq tulǵalardy qabyldaǵan Qazaqstannyń 20 azamaty jaýapkershilikke tartylsa, sheteldikterdi tıisti qujatsyz jumysqa tartqany úshin 6 jumys berýshige qatysty ákimshilik óndiris qozǵaldy.
Sonymen qatar, mamandandyrylǵan ákimshilik sotynyń sheshimimen 33 sheteldik azamat elden shyǵaryldy, 117 sheteldik azamatqa qatysty ýaqytsha júrip-turý merzimin qysqartý jóninde sheshim qabyldandy.
Іs-shara kórsetip bergendeı, sheteldikter tarapynan jasalǵan negizgi zańbuzýshylyqtar - elge kirý, shyǵý jáne Qazaqstan Respýblıkasynda júrip-turý tártibin buzý.
