Astanada «Kóshi-qon máseleleri jáne oralmandardyń quqyqtyq áleýmettik beıimdelýi» taqyrybynda dóńgelek ústel ótedi
Bul týraly Mádenıet jáne aqparat mınıstrliginiń baspasóz qyzmeti habarlady.
Oǵan ǵalymdar, memlekettik organdardyń ókilderi, oralmandar, BAQ jáne qoǵamdyq uıymdar ókilderi qatyspaq.
Bul sharanyń maqsaty - memlekettik áleýmettik tapsyrys aıasynda Astana qalasy Іshki saıasat basqarmasynyń qoldaýymen Elordamyz Astana qalasyna alys jáne jaqyn shetelderden qonys aýdarǵan oralmandarǵa quqyqtyq, aqparattyq, rýhanı, psıhologııalyq, tildik kómekter kórsetý arqyly olardyń jańa ortaǵa kirigip, qoǵamdyq ómirge erkin aralasýyna múmkindik jasaý, qoǵamdyq belsendiligin arttyrý baǵytynda iske asyp jatqan «Oralmandardy áleýmettik beıimdeý jáne qoldaý qyzmetin uıymdastyrý» atty áleýmettik joba barysynda kóterilgen basty problemalar men qoıylǵan suraqtar, pikir-usynystardy taldaý arqyly olardyń mańyzdylyǵyn belgilep, toptaý, kóshi-qon saıasatynyń quqyqtyq, áleýmettik, ekonomıkalyq salalaryna baǵa bere bilý arqyly ony damytýǵa, jetildirýge naqtyly usynystar ázirlený.
Dóńgelek ústelge «Nur Otan» HDP Astana qalalyq fılıalynyń partııalyq baqylaý komıtetiniń tóraǵasyDáýletkereı Rahmetýllın, Astana qalasy Іshki ister departamenti Kósh qon polıtsııasy basqarmasy Etnıkalyq kóshi-qon jáne bosqyndarmen jumys bóliminiń bas mamany Beıimbet Úsipbek, EUÝ-niń «Eýrazııa» ǵylymı-praktıkalyq ortalyǵynyń dırektory, tarıh ǵylymdarynyń doktory, professor Zııabek Qabyldınov, S.Seıfýllın atyndaǵy Qazaq agrotehnıkalyq ýnıversıtetiniń dotsenti, tehnıka ǵylymdarynyń kandıdaty Saıd Zaqanuly, L.N Gýmılev atyndaǵy Eýrazııa Ulttyq Ýnıversıtetiniń dotsenti, tehnıka ǵylymdrynyń kandıdaty Oqas Qurmanuly, Dúnıejúzi qazaqtary qaýymdastyǵynyń Astana qalalyq fılıalynyń tóraǵasy Beken Qaıratuly,Oralmandardyń Respýblıkalyq «Asar» qoǵamdyq birlestiginiń tóraǵasy, ekonomıka ǵylymdarynyń kandıdat Qaırat Bodaýhanuly, Qazaq gýmanıtarlyq zań ýnıversıtetiniń Ulttyq quqyq joǵarǵy mektebiniń dırektory, zań ǵylymdarynyń doktory, professor Únzıla Shapaqqyzy, L.N Gýmılev atyndaǵy Eýrazııa Ulttyq Ýnıversıtetiniń aǵa oqytýshysy, áleýmettaný ǵylymdarynyń kandıdaty Keńshilik Tyshqanulynyń baıandamalar tyńdalady.
Sharaǵa kelgen ǵalymdar, sarapshylar, oralmandar. BAQ jáne qoǵamdyq uıymdar ókilderi arasynda ózara pikir almasýlar bolady.
