Astanada kóshelerdi jóndeý kelesi aptanyń sońyna deıin aıaqtalady

5 maýsymǵa deıin Qabanbaı batyr dańǵylyndaǵy Dostyq dańǵylynan Astana qalasynyń halyqaralyq áýejaıyna deıingi qaıta qalpyna keltirý jumystary aıaqtalady. Ýchaskeniń jalpy uzyndyǵy - 3 shaqyrym. Qazir EKSPO-qalashyǵyndaǵy kommýnaldy júıelerdiń úzdiksiz jumys istep turý úshin sý qubyry men káriz júıelerinde jumys qarqyn alǵan. Shamamen 98% aıaqtaldy.  

Sondaı-aq, Orynbor kóshesinen №26 kóshesine deıingi jaıaý júrginshilerge arnalǵan joldy salý jumystary da júrgizilýde.

Kereı-Jánibek handar kóshesi men №27 kóshe aralyǵyndaǵy uzyndyǵy 1,4 shaqyrym Túrkistan kóshesiniń jol qurylysyn 8 maýsymǵa deıin aıaqtaý josparlanýda.

Budan bólek, qaladaǵy Aqmeshit kóshesindegi Kereı-Jánibek handar kóshesinen №24 kóshesine deıingi jáne № 26-nen № 27 kóshesine deıingi ýchaskelerde de qurylys qarqyndy. Injenerlik jelidegi jumystar aıaqtaldy, jol belgileri salynýda. 1 maýsymǵa deıin asfalbeton tóselip, kósheni abattandyrý josparlanǵan.

2016 jyldan beri №24 kóshesiniń ýchaskesinde Qabanbaı batyr dańǵylynan Eńbekshiler kóshesine deıingi aralyqta qurylys júrgizilýde. Joba 2018 jylǵa deıin josparlanǵan. Búgingi kúnge deıin Qabanbaı batyr dańǵylynan Máńgilik El kóshesine deıingi aýmaqta ınjenerlik jumystar támamdaldy. Tómengi qatqa asfaltbeton tóseldi, endi joǵary qatty 2-maýsymǵa deıin aıaqtaý jumystary júrgizilýde.

№26 kóshesiniń ýchaskesindegi qurylys boıynsha Qabanbaı batyr dańǵylynan Túrkistan kóshesine deıingi aýmaqta ınjenerlik jeli jumystary júrgizilip jatyr. Túrkistan kóshesine deıingi aýmaqty asfalttaý, abattandyrý jáne jaryqtandyrý jumystary shildeniń 5-ne deıin aıaqtalady.

2017 jylǵa deıin № 1 aýdanda (№19 kóshesiniń oń jaǵy) ınjenerlik jeli jumystary aıaqtaldy. Bıyl asfaltbetondy tósep, abattandyrý jumystary júrgiziledi. Qazir jaıaýjoldy salý jumystary júrgizilýde. Atalǵan aýmaq 5-maýsymǵa deıin ashylady.

Túrkistan kóshesi boıynsha (№34) jelilerdi tartý jumystary aıaqtaldy. Aýmaq 5 maýsymǵa deıin ashylady.

Sonymen qatar №31 kóshesinde de Turan dańǵylynan «Nura Esil» kanalyna deıingi aýmaqta da qurylys júrgizilýde. Jelilerdi tartý jumystary aıaqtaldy, kárizder KSS-na qosyldy. Joldyń joǵary qatyn tóseý jumystary tolyq júrgizildi. 25 mamyrda bastalǵan asfaltbeton tóseý jumystary maýsymnyń 5-nde aıaqtalady.

Baıtursynov kóshesi boıynsha jol qatynasy bar, abattandyrý aıaqtaldy. Syrtqy jaryqtandyrý jumystary 1 maýsymǵa deıin aıaqtalady. №A53 kóshesinen №A62 kóshesine deıingi abattandyrý jáne syrtqy jaryqtandyrý jumystary 5 maýsymǵa deıin aıaqtalady.  

Nájimedenov kóshesi boıynsha da jol qatynasy bar, abattandyrý jumystary aıaqtalǵan. Syrtqy jaryqtandyrý 1 maýsymǵa deıin aıaqtalýy tıis.

A82 kóshesi boıynsha sý qubyry, káriz jáne jylý qubyrlary jelilerindegi jumystar aıaqtaldy.

A62 kóshesi boıynsha abattandyrý jáne syrtqy jaryqtandyrý jumystary 5-maýsymǵa deıin aıaqtalady.