Astanada kóshege shyǵyp, adasyp ketken 78 jastaǵy qarııa aman tabyldy
NUR-SULTAN. QazAqparat – Saǵat 14:00-de polıtsııaǵa shaǵymdanǵan qala turǵyny kúıeýiniń tańǵy saǵat 10:00 shamasynda Gete kóshesindegi úıinen shyǵyp ketip, áli oralmaǵanyn aıtty, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Joǵalǵan 78 jastaǵy er adamdy izdeý jumystaryna polıtsııanyń barlyq jeke quramy jumyldyrylǵan.
Zeınetker barýy múmkin barlyq jerler tekserildi, jaqyn aýdandar men dúkender qaraldy.
Eki saǵattan astam ýaqytqa sozylǵan izdeý jumysy nátıjesinde qarııa Ýálıhanov kóshesindegi «Astanalyq» bazary jaqtan taabyldy.
Qarııa osy ýaqytqa deıin kóshede júrip, qatty tonǵan jáne qarny ashqan.
Qart kisiniń este saqtaý qabiletinen aıyrylǵany belgili boldy. Úıinen shyǵyp ketken ol qaıtar joldy taba almaǵan.
Er adam týystaryna tapsyryldy, qazirgi kezde onyń jaǵdaıy jaqsy.
Qarııanyń týystary polıtsııa departamentiniń bastyǵy, general-maıor Erjan Sádenovtiń atyna alǵys aıtty.
«Polıtseılerdiń úılesimdi jáne kásibı áreketteri arqasynda týysymyz tez arada tabyldy», - dedi qarııanyń týystary.
