Astanada kóshedegi zańsyz ornatylǵan saýda pavılondaryn júıeleý jumystary júrip jatyr
ASTANA. KAZINFORM – Astana qalasynyń Investıtsııalar jáne kásipkerlikti damytý basqarmasy «Zań men tártip» qaǵıdaty aıasynda Esil aýdany ákimdiginiń apparatymen birlesip aýdan aýmaǵyndaǵy zańsyz ornatylǵan saýda pavılondaryn demontajdaý jumystaryn júrgizip jatyr, dep habarlaıdy elorda ákimdiginiń resmı saıty.
– Bul sharalar kóshedegi retsiz saýdany retteý, qala kórinisin jaqsartý jáne saýda nysandaryn ornalastyrý talaptarynyń oryndalýyn qamtamasyz etý maqsatynda uıymdastyrylǵan. 2025 jyly qala boıynsha 225 zańsyz ornatylǵan pavılon alynyp tastalǵan bolsa, 2026 jyldyń basynan beri taǵy 15 nysan demontajdaldy, -sanıt dedi Astana qalasynyń Investıtsııalar jáne kásipkerlikti damytý basqarmasy saýda jáne qyzmet kórsetýdi damytý bóliminiń basshysy Ádil Kapsalıamov.
Zań talaptary men sanıtarlyq normalardy saqtaý maqsatynda júrgizilip jatqan jumystar aldaǵy ýaqytta da júıeli túrde jalǵasady. Bul baǵyttaǵy sharalar qaladaǵy saýda ınfraqurylymyn retteýge jáne turǵyndardyń qaýipsizdigin qamtamasyz etýge baǵyttalǵan.
Osyǵan deıin Aqtóbe prokýratýrasy qańyrap bos turǵan ǵımarattardy qorshaýdy mindettegenin jazǵan edik.
