Astanada kóshe saýdasyna jer telimin alý úshin ótinish qabyldaý bastalady
«Astana» áleýmettik-kásipkerlik korporatsııasy» ulttyq kompanııasy» AQ «Astana qalasynda kóshe saýdasyn júrgizý úshin pavılondar ornalastyrý» jobasy boıynsha jer telimin alýǵa ótinish qabyldaýdy bastady, dep habarlaıdy Astana qalasy ákimdiginiń medıa ortalyǵy.
Jobaǵa qatysý boıynsha ótinishter 2017 jyldyń 1-15 qarasha aralyǵynda https://www.smart.astana.kz:90 saıtynda qabyldanady.
Sondaı-aq, ótinim berýshi jeke kásipker retinde tirkelgeni týraly kýáliktiń kóshirmesin, kórsetetin qyzmet túrlerin, tól qujatynyń kóshirmesin (jeke kásipker, dırektor) zańdy tulǵa jarǵysynyń kóshirmesin, sondaı-aq, ókildiń ókilettigin kýálandyratyn qujat, ótinish bergen sátte bereshegi joqtyǵy týraly anyqtama, áleýetti qatysýshy JK nemese JShS belgilengen kepildik jarnanyń tólem qujaty týraly banktiń belgisi bar anyqtama jáne jeke eseptik shottyń bar ekendigi týraly anyqtama kórsetkeni jón.
Ótinimder tek qana shaǵyn jáne orta kásipkerlik sýbektilerinen qabyldanady.
Konkýrs týraly tolyq aqparatty «Astana» áleýmettik-kásipkerlik korporatsııasy» ulttyq kompanııasy» AQ-nyń qyzmetkerlerinen alýǵa bolady. Meken-jaıy: Astana qalasy, Esil aýdany, Qonaev kóshesi, 8 úı, 1413-shi kab. tel. 8(7172) 61 35 54.
