Astanada kóshe bıleriniń festıvaline 800-den astam adam qatysty
ASTANA. QazAqparat - Astanada qala kúnin merekeleý sheńberinde «Ekstrım tolqyny» atty kóshe bıleriniń festıvali ótti. Dástúrge aınalǵan sharaǵa bıyl 800-den astam adam qatysty, dep habarlaıdy astana.kz.
Jalpy 90 jýyq komandaǵa birikken ul-qyzdar parkýr, strıtbol men graffıtıden sheberlik baıqasty. Budan basqa, skeıtbordshylar men bı-boılar da óz ónerin ortaǵa saldy.
Parkýrda bas júlde úshin 200 qatysýshy jarysqa shyǵyp, almatylyq Vladımır Malashın top jardy. Ekinshi orynda astanalyq Ivan Chernoýsov, al Ońtústik Qazaqstan oblysynyń ókili Ánýa Sultanov úshinshi oryn aldy. Jankúıerler úshin qyzyqty saıystardyń biri graffıtı jarysy boldy. Sýret sheberlerine bezendirýge berilgen 6 mashına jarys sońynda tamasha kórkemdeldi. Bul jarysta almatylyq Ǵalymjan Balsary jeńiske jetti.
