Astanada kóshe bıiniń halyqaralyq festıvali ótti (FOTO)
ASTANA. QazAqparat - Elorda kúnin toılaý aıasynda Astana ákimdigi men «United4» prodıýserlik ortalyǵy qala ákimdigi janyndaǵy alańda «International Street Dance Session» kóshe bıi halyqaralyq festıvalin uıymdastyrdy, dep habarlady astana.gov.kz.
Bı saıysynyń basty qonaǵy - «Shag vpered 3D» fılminiń juldyzy Medd Chedd. Qazylar alqasynyń quramynda bı áleminde esimi tanymal horeograftar bar. Naqtyraq aıtqanda, TNT arnasyndaǵy «Tantsy», MTV-degi «Zvezdy tantspola 2» shoýlaryna qatysqan Zlata Maslo, Djastın Bıber, Maılı Saırýs, Pınktiń klıpterine túsken Aja George.
Festıvaldiń júlde qory 2,5 mln teńgeden asady. Jazdyń eń basty bı báıgesinde ártúrli jastaǵy bıshiler sheberlik baıqasty. Óıtkeni jańa bastaǵandar men kásibı bıshiler úshin bıdiń ár baǵyty boıynsha atalymdar qarastyrylǵan. Alańda ónerpazdar kóshe bıleriniń hıp-hop, poppıng, lokıng, vakıng, kramp jáne haýs syndy stılderin kórsetti.
