Astanada «Qosh keldiń, Máýlit!» rýhanı keshi ótedi

«Nur Astana» ortalyq meshitiniń baspasóz qyzmetinen málim etkendeı, merekelik keshte Qazaqstan Musylmandary dinı basqarmasynyń naıb múftıi, «Nur Astana» ortalyq meshitiniń bas ımamy Qalıjan Zańqoevtyń alǵy sózinen keıin, Muhammed paıǵambardyń ómirbaıany jáne ósıetteri jaıynda ýaǵyzdar aıtylady, Astana medresesiniń 63 shákirti máýlit salaýatyn oqıdy, ıláhı án-jyrlar keńinen shyrqalyp, «Ábý Táliptiń oqıǵasy» atty sahnalyq kórinis qoıylady. Sondaı-aq kelýshilerge «Meıirim joly - 2010» qaıyrymdylyq qorynyń ıgi isteri tanystyrylyp, «Qoshtasý hutpasy» beıne rolıgi kórsetiledi. Shara maqsatynyń biri musylman jurtynda dinı saýattylyqty arttyrý bolǵandyqtan, onyń barysynda «Súnnetke beriksiń be?» suraq-jaýap oıyny ótkiziletin bolady.

Sonymen birge, qonaqtar nazaryna «Meıirim joly - 2010» qaıyrymdylyq qorynyń kórme-jármeńkesi usynylmaq.

Rýhanı keshtiń bastalý ýaqyty saǵat 17:30-da, kirý tegin.