Astanada qos qurby Italııa azamatyn uryp-soǵyp, tonap ketti
ASTANA. QazAqparat - Eki qurby ıtalıalyqty taspen uryp, «Aıfon 6S» markaly telefonyn urlap ketken, dep habarlaıdy «QazAqparat» HAA elordalyq sotqa silteme jasap.
2017 jyldyń qazanynda qurbylardyń biri áleýmettik jelide Italııa azamatymen ótirik esim aıtyp, tanysady.
Sottyń baspasóz qyzmeti habarlaǵandaı, kezdesý elordadaǵy saýda úıleriniń birinde ótedi. Qurbylar sheteldikti syra baryna shaqyrady. Barda olar 23:00-ge deıin bolyp, úıdi-úılerine tarqaý úshin kóshege shyǵady. Biraq, kóshege shyqqannan keıin qurbylar sheteldiktiń betinen taspen uryp, «Aıfon 6S» markaly uıaly telefonyn qoldy etedi.
Astana qalasy №2 Almaty aýdandyq sotynyń sheshimimen eki boıjetken aıypty dep tanylyp, biri 4 jylǵa, ekinshisi 3 jylǵa bas bostandyqtarynan aıyryldy.
Sot úkimi zańdy kúshine engen joq.
