Astanada kórnekti ǵalym Rymǵalı Nurǵalıdiń shyǵarmashylyq murasyn zerdeleýge arnalǵan konferentsııa ótedi
ASTANA. Mamyrdyń 31-i. QazAqparat /Arman Asqarov/ - Erteń, maýsymnyń 1-i kúni Lev Gýmılev atyndaǵy Eýrazııa ulttyq ýnıversıtetinde QR UǴA akademıgi, Memlekettik syılyqtyń laýreaty,
Ǵylym men tehnıkaǵa eńbegi sińgen qaıratker, fılologııa ǵylymdarynyń doktory, professor R.N.Nurǵalıdyń (1940-2010) týǵanyna 70 jyl tolýyna arnalǵan «Rymǵalı Nurǵalı murasy jáne qazirgi ádebıet pen til ǵylymynyń kókeıkesti máseleleri» atty halyqaralyq ǵylymı-teorııalyq konferentsııa ótedi, dep habarlaıdy QazAqparat.
Ǵylymıı májilis barysynda R.Nurǵalıdiń shyǵarmashylyq murasy zerdeleý arqyly til bilimi, ádebıettaný, tarıh, fılosofııa, pedagogıka, jáne psıhologııanyń ózekti máseleleri talqyǵa salynady. Úsh tilde ótetin konferentsııa jumysyna alys jáne jaqyn shetelderdiń ǵalymdary shaqyrylyp otyr. Sondaı-aq konferentsııaǵa QR Prezıdenti Ákimshiligi basshysynyń orynbasary Máýlen Áshimbaev, QR Mádenıet mınıstri Muhtar Qul-Muhammed,, QR Bilim jáne ǵylym mınıstri Janseıit Túımebaev, QR Prezıdenttik mádenıet ortalyǵynyń dırektory Myrzataı Joldasbekov, QR Parlamentiniń depýtattary, joǵary oqý oryndarynyń rektorlary, belgili aqyn-jazýshylar, qoǵam qaıratkerleri, aspıranttar men izdenýshiler qatysady.
Konferentsııa aıasynda R. Nurǵalı týraly kitap jáne sýret kórmeleri, «dóńgelek ústel» otyrysy uıymdastyrylady.
