Astanada kórnekti aqyn Kákimbek Salyqovpen qoshtasý rásimi ótedi
ASTANA. 29 qarasha. QazAqparat - Kúni keshe qazaqtyń kórnekti aqyny, Qazaqstannyń eńbek sińirgen qaıratkeri, halyqaralyq Q. Sátbaev qorynyń prezıdenti, Qazaqstan Respýblıkasy «Ekologııa» akademııasynyń akademıgi Kákimbek Salyqov ómirden ozdy. Aqynmen qoshtasý rásimi búgin Astana qalasy ákimdiginiń Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynda ótedi, dep habarlaıdy elordanyń resmı saıty.
Kákimbek Salyqov elimizde, Máskeýde jáne Ózbekstannyń Qaraqalpaq oblysynda joǵary memlekettik qyzmetter atqarǵan. Ol tek daryndy aqyn ǵana emes, sheber aýdarmashy da. Keńes jazýshylary Maıakovskıı, Pýshkın, Lermontov óleńderin alǵash qazaq tiline aýdarǵan. Búginde artynda mol rýhanı mura, án arqaýyna aınalǵan óleńder men 45 poetıkalyq jınaq qaldy. Onyń eńbegi joǵary memlekettik nagradalarmen, Lenın ordenimen, eki ret Eńbek Qyzyl Tý ordenimen, «Parasat» jáne Halyqtar Dostyǵy ordenderimen, kóptegen medaldarmen marapattalǵan.
