Astanada «Qorqor jaıly aqıqat» degen taqyrypta ınteraktıvtik brıfıngi ótedi
QR Densaýlyq saqtaý mınıstrligi alǵash ret qorqor jaıly óziniń resmı ustanymyn bildirmek, al sarapshylar bloggerlermen, temeki sheýshilermen jáne temeki shekpeıtindermen tikenle baılanysqa shyǵyp, eń ótkir suraqtarǵa jaýap qaıtarady.
Bul sharany «Temeki tútininen azat Qazaqstan úshin» ulttyq koalıtsııasy renspýblıkanyń densaýlyq saqtaý mınıstrligimen birlesip uıymdastyryp otyr.
27 qańtar men 4 aqpan aralyǵynda Koalıtsııa ınternet-naýqan aýqymynda «Sarapshyǵa qorqor jaıly suraq qoı» degen máselege qatysty áleýmettik jeliler arqyly qorqor jaıly kóptegen suraqtar jınady.
Brıfıngi suraq-jaýap túrinde ótpek. Oǵan QR Bas memlekettik sanıtarlyq dárigeri Jandarbek Bekshın, QR bas shtattan tys stomatology, «Astana medıtsınalyq ýnıversıteti» AQ pýlmanologııa jáne ftızıatrııa kafedrasynyń meńgerýshisi, QazUMÝ Stomatologııa ınstıtýtynyń dırektory Sáýle Esembaeva, QR Bas pýlmanology, medıtsına ǵylymdarynyń doktory, professor Irına Kozlova, Astana qalasynyń bas onkology, qalalyq onkologııalyq dıspanserdiń bas dárigeri Muhtar Tóleýtaev, Dúnıejúztlk densaýlyq saqtaý uıymynyń Qazaqstandaǵy keńsesiniń bastyǵy Melıta Výınovıch qatysady.
Birlesken brıfıngini QR Densaýlyq saqtaý vıtse-mınıstri Erik Baıjúnisov pen «Temeki tútininen azat Qazaqstan úshin» ulttyq koalıtsııasynyń kóshbasshysy Jámıla Sadyqova júrgizedi.
