Astanada kórkem gımnastıka ortalyǵy ashyldy
ASTANA. QazAqparat – Astanada kórkem gımnastıka ortalyǵy ashyldy, dep habarlaıdy QazAqparat elorda ákimdiginiń resmı saıtyna silteme jasap.
Ortalyqtyń aýmaǵy – 1 000 sharshy metrden astam, bıiktigi – 14 metrge jýyq. Osyǵan deıin qalada tıisti talaptarǵa saı keletin ǵımarat bolmaǵan. Bul máseleni sheshý úshin «Táýelsizdik saraıynan» ýaqytsha oryn berilgen. Endi kórkem gımnastıka talaptaryna saı keletin jańa ortalyqta emin-erkin daıyndalýǵa bolady.
Jas sportshylar osyǵan deıin jattyqqan «Táýelsizdik saraıynda» jóndeý júrgizilip, balalar jarystarǵa daıyndyqty ártúrli jerde ótkizýge májbúr bolǵan edi. Endi balalar men jasóspirimder osynda alańsyz daıyndala alady.
Ortalyqtyń ashylý saltanatyna Astana qalasynyń Dene shynyqtyrý jáne sport basqarmasynyń basshysy Samat Jylqybaev, №1 Balalar men jasóspirimderdiń mamandyrylǵan olımpıadalyq rezerv sport mektebinniń dırektory Saıranbek Ábilqaıyr qatysty.
