Astanada «Kórikti Qazaqstan - Kórkem Qytaı» fotokórmesi ashylady
ASTANA. QazAqparat - 2017 jyldyń 6 maýsym kúni Astanadaǵy Beıbitshilik jáne kelisim saraıynda Qazaqstan men Qytaı elderi arasyndaǵy dıplomatııalyq qarym-qatynastyń ornaǵanyna 25 jyl tolýyna oraı, «Kórikti Qazaqstan - Kórkem Qytaı» fotokórmesi ashylady. Bul týraly shina.org.cn Feısbýkte habarlady.
«Barlyǵyńyzdy osy sharaǵa qatysýǵa shaqyramyn, bizge V Kontakte nemese Feısbýk áleýmettik jelilerinde jeke habarlama (aty-jónińiz, qyzmetińiz jáne telefon nómirińiz) jiberýlerińizdi suraımyn. Biz sizderge elektrondyq shaqyrý hat joldaımyz!» - delingen habarlamada.
Іs-shara Qazaqstan men Qytaı elderi arasyndaǵy dıplomatııalyq qarym-qatynastyń ornaǵanyna 25 jyl tolýyna arnalǵan.
Fotokórme QR Aqparat jáne kommýnıkatsııalar mınıstrligi, QHR Memkeńesiniń baspasóz keńsesi, QHR-daǵy QR elshiligi, QR-daǵy QHR elshiligi, QHR ádebı týyndylardyń shet tilderinde basylýy jáne taralýy jónindegi basqarmanyń qoldaýymen uıymdastyrylyp otyr.
Fotokórmeniń atqarýshy organy - «QazAqparat» HAA jáne «Jenmın hýabao» jýrnaly. Kórme 10 maýsymǵa deıin jalǵasady.
