Astanada «Qorǵaý-2012» josparly shtabtyq oqý-jattyǵýy ótti

Astana qalasynyń Tótenshe jaǵdaılar departamentiniń bastyǵy Meıram Ysqaqovtyń aıtýynsha, azamattyq qorǵanys daıyndyǵyn saralaýǵa baǵyttalǵan «Qorǵaý-2012» shtabtyq oqý-jattyǵýlary barlyq respýblıka aımaqtarynda ótkizilýde.

«Jattyǵý barysynda azamattyq qorǵanys josparyna sáıkes bekitilgen talaptardy oryndaý daıyndyqtary pysyqtalady», - deıdi M. Ysqaqov.  

Shara aıasynda tańerteńgi ýaqytta radıoarnalar men teledıdar, qalalyq habarlandyrýlar berilip, elektr dabyly qosylǵan bolatyn. Shartty tótenshe jaǵdaı týraly halyqqa habar berilgennen soń, Astana qalasy Tótenshe jaǵdaılar departamentiniń qyzmetkerleri TJ aımaǵyna apattyq-qutqarý kúshterin jetkizip, zardap shekkenderge medıtsınalyq kómek kórsetildi, sonymen qatar adamdardy qaýipsiz jerlerge shoǵyrlandyrý jumystaryn jasady. Ol úshin birneshe stsenarııler de tańdalyp alyndy.

Atalmysh aýqymdy sharaǵa birneshe júz turǵyn jumyldyrylyp, olardy qaýipsiz aımaqtarǵa kóshirý sharalary ótkizildi.