Astanada Qorǵaljyn tasjoly ishinara jabylady
ASTANA. KAZINFORM — Astanada Qorǵaljyn tasjolynda jóndeý jumystaryna baılanysty qozǵalys ózgeredi, dep habarlaıdy elorda ákimdiginiń resmı saıty.
— Astanada Kólik jáne jol-kólik ınfraqurylymyn damytý basqarmasy 1-20 shilde aralyǵynda Qorǵaljyn tasjolynda avtomattandyrylǵan ólsheý júıesin (AÓJ) ornatýǵa arnalǵan beton negizi men jabyn qurylysyn salý jumystary júrgizedi. Osyǵan baılanysty kólik qozǵalysy joldyń bir jaǵymen eki baǵytta uıymdastyrylady, — delingen habarlamada.
Júrgizýshiler men jaıaý júrginshiler júrý baǵytyn aldyn ala josparlaýy jáne jol qozǵalysyn uıymdastyrýdaǵy múmkin bolatyn ózgeristerdi eskerýi qajet.
Buǵan deıin Astanada Dombyra kúnine oraı mýltımedıalyq shoý ótetinin jazǵanbyz.
